Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Novembre 2017
Nà Sent Andrèu, ça ditz era nhèu, se non i som, que i serè lèu.

Editoriau

Ua explicacion deth Patrimòni Culturau Immateriau, gessuda d’un article de jornau d'Oriol Cendra, tecnician de cultura populara ath Servei de Cultura de la Generalitat de Catalunya.


ETH NÒSTES PROJÈCTES
RADZIEJOWICE (POLONHA)
logo
Eth Ostau Comengés en Polonha dam eth hialat Tramontana
Daguens eth projècte europenc Tramontana III, un forum que huc organizat en Polonha, a Radziejowice, pròishi de Varsovia, deth 8 ath 11 d’octobre. Eth hialat Tramontana qu’amassa 8 estructuras especialisadas ena cuelhuda e era difusion deth patrimòni culturau immateriau de 5 Estats dera UE : eth Portugau (Binaural), era Espanha (Audiolab), era França (Eth Ostau Comengés, Nosauts de Bigòrra e Numériculture Gascogne), era Italia (Bambun e LEM) e era Polonha (Profil Akademia). Pendent 4 diás, que podérem escambiar dam eths nòstis partenaris e presentar ath public polonés era especificitat deth nòste trebalh de cuelhuda e de transmission deth PCI en Comenge e Coserans. Pendent eras arreünions internas organizadas pendent aqueris quate diás, que huc decidat de botar eth accent sus era collaboracion enter associacions. Que vam atau preparer un documentari commun sus eras hèstas deth ivèrn que comprenguerà extrèts de cuelhudas de totis eths partenaris. 1000 documents que seràn tanben botats en linha nà hèr véder tota era riquessa deth patrimòni culturau immateriau europenc.



ENTÀ SORTIR...
SENT GUIRONÇ (09)
Dissabde 4 de novembre
Parc deras exposicions
A compdar de 19 h 00
logo
Era net deth trad’

Dam era participacion de : Trio Surprises, Totis tres, Cocanha, Tradadou
Possibilitat de minjar un mòs sus plaça, dam produïts locaus

Prètz : 10 € (mens de 12 ans gratuït)
Organizacion : Eths Birossans
Entà mès d’informacions : www.biroussan.com




GORDAN-POLINHAN (31)
Dimenge 19 de novembre
Sala deras hèstas
A compdar de 14 h 30
logo
Vrespada en dançar
Vrespada en dançar dambe Lumbrets.

Organizacion : Talhèr de Danças Occitanas e Tradicionalas de Gordan-Polinhan.


AVENTINHAN (65)
Dissabde 25 de novembre
Tutas de Gargàs
14 h 30
logo
Corsa a pè 6,5 o 12,2 km
Organizacion : ACM Running Club
Entà mès d’informacions : www.acmrunningclub.over-blog.com


E un pòc mès tard...

logo
Eth Ostau Comengés qu'a eth plaser de vos anonciar eras datas dera 15au edicion deth hestau Passa-Pòrts : que serà eths 6 e 7 d'abriu de 2018, a Montrejau (31).
Era programacion que serà plan variada, ath còp occitana e pirenenca dab bals, estagis, cantadas, conferéncia, animacions entaths escolaris, arrepèish deths productors deth parçan, convivialitat, escambis, arrencontres...
Informacions herescas que seràn regularament botadas en linha en nòste siti www.ostaucomenges.org e ena nòsta paja facebook.
Nà vos hèr pacientar, que vos invitam a aueitar era video dera edicion 2017 en tot clicar ací : www.youtube.com/watch?v=DsA6lYsys4M