Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Junh de 2019
Junh, non got : tot le monde qu'a de tot.

Editoriau

S’eth occitan va disparéicher en eths collegis e en eths licèus deth Comenge ?
Qu’ei dambe consternacion qu’era associacion Eth Ostau Comengés, qui òbra tara sauvaguarda e era transmission dera cultura occitana de Comenge, qu’a prés coneishença dera supression deths mejans dedicats attribuats peth Ministèri dera Educacion Nacionala e eth Arrectorat de Tolosa tath ensenhament deth occitan ena nòsta academia...


Eth Ostau Comengés en Portugau
logo
Deth 23 ath 25 de mai, Eth Ostau Comengés que participèc ath Forum Tramontana III a Vouzela, ath Centre deth Portugau. Aqueth hialat de cercaires sus eth Patrimòni Culturau Immateriau deras montanhas d’Euròpa qu’amassa 8 associacions vengudas de diferents endrets d’Euròpa : de Gasconha, dambe Eth Ostau Comengés, Nosauts de Bigòrra e Numériculture-Gascogne, deth País Basco Sud, dambe AudioLab, deras Abruzas (Italia) dambe Bambun e Lingue d’Europa i del Meditarraneo, deras Carpatas (Polonha), dambe Akademia Profil e plan segur eth Portugau Centrau, dambe Binaural Nodar que mos invitèc a casa sua !
Pendent aqueras jornadas ricas en escambis e en descobèrtas, cada partenari que podec presentar eras suas accions de terrenc, eths sues projèctes e sustot hèr eth punt deras accions e publicacions miadas en comun entà recuélher, estudiar, e transméter aqueth patrimòni en dangèr e soen mespresat peras elitas nacionalas o mondialas.
Eth projècte Tramontana III, finançat per Europa Creativa, que’s va concretizar per un hèish de publicacions e d’utisses pedagogics : maleta pedagocica deras montanhas d’Euròpa, mapa sonòra, libe sus eth trabalh deth lin, articles, monografias, diccionaris e estudis de minioritats linguisticas, CD e filmes sus tematicas divèrsas (ors e pastoralisme, Carnaval…) e tantas causas encara.

Mès d’informacions sus : www.re-tramontana.org a on poiratz trobar ligams cap ath siti de cada partenari.

Aqueth hialat que hè víver un esperit d’umanitat, de pluralitat e de diversitat qu’arrespon aué mès que james aras crisas e aths dobtes dera societat europenca. Aqueth projècte que s’acaba mès, déjà, que i d’autes projèctes que s’avançan entà contunhar per aquera via : era creacion artistica en dehòra deths centres, immigracions e emmigacions, religion e credenças popularas…



ENTÀ SORTIR...
TOTAL FESTUM EN COMENGE-VAROSSA
logo
Conferéncia de Bernat Ménétrier e Matiu Fauré : « Era hèsta deth solstici d’estiu en Comenge-Varossa »

ESTADENH (31) - Sala deras hèstas - 1èr de junh - 16 h
ARLÒS (31) - Abric d’Arlòs - 8 de junh - 16 h
SÒST (65) - Sala deras hèstas - 14 de junh - 21 h
ARGUENÒS (31) - Larèr rurau - 15 de junh - 16 h
MONTAUBAN-DE-LUISHON - escòla (presentacion aths mainatges) - 20 de junh – 10 h




AURINHAC (31)
Dimars 4 de junh
Espaci Sent Miquèu
18 h 00
logo
Teatre occitan amb eth collegians
Espectacle de teatre en occitan, dambe eths collegians d'occitan de 6au, 5au, 4au e 3au.
Entrada gratuïta tant que i auge plaça
Organizacion : collegi Emile-Paul Vayssié



SENT GAUDENÇ (31)
Dimèrcres 12 de junh
Mediateca
19 h 00
logo
Concèrt
Concèrt d’Alidé Sans acompanha per Paulin Courtial ara guitara (musica actuala dera Val d’Aran)
Contact: 05 61 89 21 42 / www.coeurcoteaux-comminges.fr
A gratis tant que i auge plaça



MONTAUBAN-DE-LUISHON/ BANHÈRES-DE-LUISHON (31)
Deth divendres 14 ath dimenge 16 de junh
Brasseria Le Venasque / Sala Enric Pac
logo
Hestau Pyrénées-Breizh
14/06, 19h : Brasseria Le Venasque
Serada « Nos festivaliers ont du talent » : empont-daurit en preséncia deths gropes deth dissabte de sers (inscripcions : 06 37 15 46 72).

15/06 : Sala Enric Pac
9 h 00: estagis de danças occitanas, bretonas, musica d'ensemble, acordeon diatonic (inscripcions : 06 26 65 12 92)
15 h – 17 h : caminada condada dambe Lukaz (condaire breton) peth torn de Banhèras (depart square Lauret)
17 h 30 : concèrt dambe Les Ilix'sons
20 h 00 : Gran–bal / Fest noz dambe : Turba musica, Dour/Le Pottier Quartet, Shens Bernadeta, LOU DALFIN,Toti tres, Plantec

16/06 : Espitau de França
12 h : Aperitiu aufrit per Pyrénées Breizh, dambe eth condaire LUZAK
Entà sabé’n mès : www.pyrenees-breizh.jimdo.com



ARBÀS (31)
Dimenge 16 de junh
De 10 h 00 a 19 h 00
logo
Jornada deth Patrimòni de País
Exposicion deths 20 ans dera Associacion Mémoire de l’Arbas e exposicion « Entà Sent Joan era dalha ena man » (erbejar e pastoralisme) estand de colomèrs dambe demonstracions, iniciacion aras quilhas, danças tradicionalas dambe La Ronde Pyrénéenne e Les Fils de Luchon.

Organizacion : Mémoire de l’Arbas
Contact e inscripcions arrepèish : 05 61 90 62 05 / gerard.pradere@neuf.fr



MONTAUBAN DE LUISHON (31)
Dijaus 20 de junh
Brasserie du Venasque
20 h 30
logo
Talhèrs de cant tradicionau
Ua serada de cant participativa a partir de cançons tradicionalas deths Pirenèus en gascon e en francés, transmetudas per Wilfried ABO deth grope ARREDALH (titulari deth DEM de Musicas Tradicionalas). Serada acabada per ua cantada espontanèa. Cap besonh de conéguer era musica, tot que's hè per oralitat !
A gratis



SENT GAUDENÇ (31)
Divendres 21 de junh
Plaça Sent Ramon
21 h 00
logo
Hèsta dera Musica
Hèsta dera Musica dambe era participacion deth Cèrcle Occitan Comengés : Rencontre musicians-dançaires dambe en prumèra partida Enst'OC, seguida en em-pont daurit !
Contact e inscripcion entaths musicians : 06 52 86 72 40 - cercleoccitancommingeois@gmail.com A gratis



SARP (65)
Dissabte 22 de junh
Sala deras hèstas
A compdar de 18 h 30
logo
Hèsta dera Sent Joan (Total Festum)
Exposicions Era Sent Joan en Comenge Varossa e Entà Sent Joan era dalha ena man
18 h 30 : estagi de manipulacion de halhòts
19 h 30 : cantada
21 h 30 : concèrt dambe Arredalh
22 h 30 : cremada deth har seguit d’un bal dambe Arredalh

Qu’avem tanben era exposicion : ERA SENT JOAN EN COMENGE E VAROSSA

Creada peth Ostau Comengés, aquera exposicion que vos permeterà de véder e de sentir tot çò qu’arreprensenta aquera hèsta ena nòsta cultura : originas, terminoligia,rituaus, credenças, poders mès tanben practica e tecnica : preparacion deth harc, devanament, dimension sociala, vertadèrs halhòts de totas eras categorias…

Que’s poirà véder a….

ESTADENH (sala deras hèstas), deth 20/05 ath 1/06
ARLÒS (abric d’Arlòs), deth 3/06 ath 16/06
SÒST (sala deras hèstas), deth 17/06 ath 21/06
SARP (sala deras hèstas), eth 22/06


Qu’avem era exposicion : ERA SENT JOAN EN COMENGE E VAROSSA

Creada peth Ostau Comengés, aquera exposicion que vos permeterà de véder e de sentir tot çò qu’arreprensenta aquera hèsta ena nòsta cultura : originas, terminoligia,rituaus, credenças, poders mès tanben practica e tecnica : preparacion deth harc, devanament, dimension sociala, vertaders halhòts de totas eras categorias…

Que’s poirà véder a….
ESTADENH (sala deras hèstas) : 20/05 – 01/06
ARLÒS (abric d’Arlòs) : 03 /06 – 16 /06
SÒST (sala deras hèstas) : 17/06 – 21/06
SARP (sala deras hèstas) : 22/06




NAVÈRA PUBLICACION
logo
Divendres 5 d’abriu, que’s presentèc era nòsta navèra exposicion sus èrba e pastoralisme en eths Pirenèus Centraus, laguens deth hestau Passa-Pòrts/Viva Tramontana. Tèxtes sintetics e fotòs deras bèras (ua brava partida ineditas) que vos demòran.

Qu’avem tanben editat un liberòt bilingüe que vos poiratz procurar per 8 € e que podetz comandar ara madeish sus eth nòste siti : www.oralitatdegasconha.net/boutique/enta-sent-joan-era-dalha-ena-man/

Era exposicion qu’ei ara vòsta disposicion. Que la volem prestar aras comunas, associacions, escòlas, OT, musèus… N'aujatz pas paur de contactar-mos entà’n saber mes.

Ja’s poirà véder a…

SÒST (sala deras hèstas), deth 1/06 ath 16/06
MONTAUBAN-DE-LUISHON, deth 17/06 ath 21/06
SARP (sala deras hèstas), eth 22 de junh