Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Junh de 2017
Junh, non got : tot le monde qu'a de tot.

Editoriau

Ua explicacion deth Patrimòni Culturau Immateriau, gessuda d’un article de jornau d'Oriol Cendra, tecnician de cultura populara ath Servei de Cultura de la Generalitat de Catalunya.


Escambi occitano-catalan a Valéncia
logo
49 liceans gascons de l'Isla de Baish e de Sent Gaudenç qu’arrencontrèren liceans valencians.
Deth dimenge 23 d'abriu ath divendres 28 d'abriu, 34 liceans de l'Isla de Baish e 15 de Sent Gaudenç qu'anèren en País Valencian entà rencontrar e descobrir. Aqueth escambi que permet atau aths joens gascons de véder eths ligams pregonds qu'existishen entram culturas occitana e catalana. Bastir Euròpa que comença per comprénguer qu’eths nòstis vesins mos semblan.
A Valéncia, eths escolans que viren la Llotja de la Seda, eth Marcat Centrau, era Catedrala, eras Tors deths Serrans, eth Musèu deras Sciéncias e era zòna naturala de l'Albufera. Que’s poderen tanben avisar qu’era situacion lingüistica sembla era nòsta : eth a Valéncia que s'enten petit e qu’é mès present pera campanha. Pr’aquò, pr'amor dera oficialitat deth catalan de Valéncia, era preséncia dera lenga qu’é mès hòrta qu’eth occitan en çò de nòste, sustot ath escriut.
Era jornada deth 27 d'abriu que huc consacrada ara rencontra en ame eths liceans de Xàtiva. Que huc era ocasion de constatar eras similitudas entram eths parlars e començar a escambiar realament. Eths liceans que presentèren era faiçon d'ensenhar eth occitan e eths de Xàtiva, eth valencian. Sustot qu'aquera vila a guardat eth catalan coma lenga usuala. Que se’n calec tornar eth 28 d’abriu, en tot arrestà’s a Girona, enà parlar en ame estudiants occitans.
Estudiants occitans que s'installan en eths Païses Catalans.
Eth escambi que permetec de véder de joens occitans qu'an emigrat a Valéncia o a Girona entà hèr estudis medicaus. Eths liceans que viren atau tres ancians escolans d'occitan que hèn aué estudis en catalan. Totis que digueren eth plaser d'estudiar en eths Païses Catalans e era utilitat deth aprentissatge deth occitan enà passar ath catalan. Que cau saber que 80 % deths estudiants en quinesiterapia a Girona venguen d’Occitania. Qu’é un fenomène recent que s'explica peth numerus clausus francés e que balha ua utilitat navèra ath occitan.


ENTÀ SORTIR...
GALIÈR (31)
Dissabde 3 de junh
Sala deras hèstas
20 h 00
logo
FESTOY'OC
Sopar partatjat, iniciacion aras danças occitanas e bal occitan
Entrada libra

Organizacion : Cèrcle Occitan Comengés



AURINHAC (31)
Dimars 6 de junh
Espaci Sent Miquèu
18 h 00
logo
Teatre occitan dab eths collegians
4 peçòtas creadas e mesas en scena en classa d’occitan que seràn jogadas peths escolans de 5au, 4au e 3au.
Entrada gratuïta.

Organizacion : collègi Emile-Paul Vayssié


CIERP GAUD (31)
Dissabde 10 de junh
Sala deras hèstas
13 h 15
logo
Bal occitan
13 h 15 : estagi de 4h animat per Maryvonne e André Pons :
- danças deth Lauragués
- Borrèias e traversadas d'Arièja

19 h 00 : Aperitiu/arrepèish 21h15 : Bal dab Lumbrets. Repertòri occitan de Gasconha e Languadòc dab ua incursion en País Basco, Catalonha, Berrí.

Pòsa gromanda aufèrta.
Que cau reservar nà hèr eth estagi e nà sopar

Contact : dancam31@laposte.net

Organizacion : Dançam


LORAS VAROSSA (31)
Divendres 16 de junh
Sala deras hèstas
20 h 30
logo
Serada concèrts occitan
Tà hestejar era sortida deth CD de Jòia eth grop de polifonias deth collègi dera Varossa, eth FSE qu'organisa un concèrt, dab Jòia, Revelhet e Arredalh.
Entrada a gratis.

Organizacion : FSE


CARBONA (31)
Dissabde 24 de junh
Sala deras hèstas
A compdar de 10 h 30
logo
Eth Cercle Occitan de Carbona que hesteja eth sòn 50au aniversari.
Un tepèr d’animacions tota era jornada : musica, dança, concerts, condes, arrepèishes...

A 14 h 30, espectacle de condes deths Pirenèus, en ame Joan Pau Ferré e Loís Ferré--Noguès.


Programa complet ací : https://agendatrad.org/e_2017-06/50-ans-du-cercle_16810.html

Contact : 05 61 97 35 04 o 06 07 53 63 24