Passa-Pòrts Bandèu
Aficha Passa-Pòrts 2024

Programa : telecargar

Estagis : s'inscríver

Arrepertòri deths cants entara cantada : telecargar

Lista deras ostalarias e arrestaurants a tocar deth hestau : telecargar

Era 19au edicion que's passarà deth 25 de març ath 30 de març e que i aurà un hèish d'activitats de totas condicions.

logo
DILUNS 25 DE MARÇ :
Musèu Arts & Figuras deths Pirenèus Centraus
Exposicion Eth nòste aboès
Aquera exposicion dera associacion Bouilleur de sons qu’ei eth frut de tres ans de trebalh dera part de cercaires, de musicians e d’actors culturaus. Que presenta eth aboès, instrument emblematic deth Coserans, era sua zòna de jòc, era sua origina, eth son ròtle sociau. Que serà tanben daurida ath public eras après-dinnada deths 27 e 29 de març.






logo
Jornada deths Gafets (animacions entaths collegians e eths liceans)
Visita deth centre istoric, jòcs tradicionaus, conferéncia musicala de Pèir Rouch e concèrt dab Mena Bruch. En partenariat dambe D’Arts e d’Òc.

DILUNS 25 DE MARÇ
Cinemà Le Régent
Projeccion de filmets en occitan (ST en francés)

logo
Lo Pelòt (Fabrici Bernissan - Nosauts de Bigòrra)
Nescut en 1779 pròishi de Tarba, Jean Lamont, dit Pelòt, qu’ei un « bandit d’aunor ». Qu’arrefusa de servir ena armada de Napoleon, que diguen que pana eths arrics entà balhar aths praubes, un Robin deths Bòsques gascon, qué. Aqueth filme que hè era part entram eth mite e era realitat istorica.

logo
Jeannot deth Canlat (Marco Farré - Eth Ostau Comengés)
Jeannot deth Canlat qu’ei ua figura emblematica de Sent Lari e Bojan. Entre dompdar eras bèstias, tirar de dehòra e trobar era aiga, que descobrièm gràcias ad a eth coma eth monde vivian bèth temps a en armonia dambe era natura. Practicas pas tant lonh qu’aquò e que mos poiríam inspirar ath dia de ue ...


logo
Eth Canarí, mès qu’un club d’arrugbí (Matiu Fauré - Eth Ostau Comengés)
Eth Club Atletic Pratenc, Canarí entaths intimes, qu'ei era « esquipa de rubí » emblematica de Prat e Bonropaus. Plan mès qu'un divertiment, qu'ei, entad aquera vilòta deth Coserans, autanplan un pilièr dera sua identitat, un importent vector mager de coesion sociala mès e tanben eth revelator d'un es-prit gascon encara enprenhat. Ara velha deth son centenari, ancians jogaires que tornan sus era sua istòria, e que mos liuran anecdòtas savorosas, sovenirs plan mès intimes. Se mos parlan d’espòrt, que mos ensenhan tanben ua vertadèra escòla dera vita e de convivénvia.

DIMÈCRES 27 DE MARÇ
14 h - 17 h - depart devant eth O.T.
logo
Passejada comentada ara descibèrta de Sent Gaudenç
Se coneguetz (coma cau) Sent Gaudenç, era sua Istòria e eths sues monuments ? E justament tè, perqué era vila s’apèra atau ? S’avec d’autes noms ? Qui èra aqueth famós Gaudenç ? Percors a travèrs era vila e eths sues tresaurs (de còps insuspectats) en companhia de Bernat Ménétrier e de Matiu Fauré, especialistas deth patrimòni comengés.
Prètz : 5 €
Inscripcion obligatòria, plaças limitadas

17 h 30 - Sala deths Haràs
Concèrt de Mena Bruch (trad’ragga occitan)
logo
Mena Bruch que canta en occitan dempús dètz ans e que partatja dambe eth public sa singularitat sonòra, on s’abarrejan diferentas influéncias (raggà, rap, ròck, cançon francesa, occitana…). Acompanhadas peth acordeon, pera guitarra e peras percussions, eras votzes que s’armonizan e que s’envòlan en dehòra deras tralhas pehermadas, en ua transa aths ritmes e ara energia hestius.
Asservacion obligatòria.

DIJAUS 28 DE MARÇ
Animacion en mercat de Sent Gaudenç

DIVENDRES 29 DE MARÇ
17 h 30 – Mediatèca intercomunala
Concèrt deth duò Acrylis
logo
Clara Bouyssou, cantaira soprano lirica, e Maÿlis Arrat, acordeonista classica, que presenteràn un programa ath torn deths compositors baròcss occitans, coma Esteve Moulinié, Josèp Valette de Montigny e Joan Josèp Cassanéa de Mondonville. Que les hè gòi de transméter aqueras pèças occitanas mauconegudas, en tot aplicà’s entà arrensenhar eth public sus eras òbras qu’interprètan.
Entrada a gratis ena limita deras plaças disponiblas -
Arreservacion obligatòria

logo
DISSABDE 30 DE MARÇ
10 h - 17 h - Colètgi Daidièr-Daurat
(dinnar tirat dera museta)
Estagis de musica, cant e dança occitans

logo
Acordeon diatonic, dambe Joan Marc Apiou
Prètz : 25 €

Cant polifonic, dambe Agata Tiné
Prètz : 25 €
logo

Danças deth Carcin, dambe Eloísa Moisan
Prètz : 15 €



logo



11 h - Libreria l’Indépendante
Presentacion deth libe Auròst entà ua escort, d’Eric Gonzalès
Eth murtre d'ua escort-girl qu’entraina eth comandant Heugars enes barris baishes de Pau. Tot eth talent d'Eric Gonzalès en aqueth roman urban. En partenariat dambe eras edicions Reclams.
Entrada a gratis tant que i auge plaça.
logo


14 h - 18 h - Le Régent
Eth arroman policièr gascon que hè eth son cinemà...
logo

Arrencontra d’autors
Que vos balhan hericons : Joan Miquèu Dordeins e sons murtres en cadena, Crestian Loís e era sua lòctenenta Blandina Pujol, Joan Loís Lavit e lo comissari Magret. Venguetz arrencontrar aqueths escrivans de polar e descobrir eths sus arromans.
logo

Lecturas en occitan
Que vos convidam tanben a un moment de lectura sus eth tèma deths bandits e deths policièrs, de bèth temps o d’aué.

Escape game
Murtres a Sent Gaudenç ! Òc, murtres a Sent Gaudenç ! Non perdetz pas eth cap... e venguetz enquestar ! Un depart cada mieja ora, entre 14 h e 17 h. Entà èster solide d’aver ua plaça, pensatz a marcar-vos.

18 h - Cinemà Le Régent
Cantada
Que balham arrendetz-vos aths cantaires debutants o confirmats entà animar eth salon deth cinemà Le Régent. Objectiu : partatjar un moment de convivialitat e de cultura gascona. Alavetz s’avetz cantèra, ja podetz vénguer cantar !

21 h - Parc deras exposicions deth comenge
BAL OCCITAN
prètzes : 12 €, 5 €

logo
TOTI TRES
Emilia, Matèu e Matèu que son tres joens musicians comengeses... que començan d’aver un shinhau de botelhòta. Que vos entraineràn ena dança sus ua musica ritmada ath son deths sues instruments tradicionaus de Gasconha (tamborin a còrdas, acordeon diatonic, aboès deth Coserans, clarin de Bigòrra, boha). Dambe un arrepertòri variat, entre composicions originalas e cançons en occitan, Toti Tres que vos propòsan autanplan un bal a escotar coma un concèrt a dançar, ena convivialitat e eth plaser partatjat.

logo
PELDRÚT
Elissa (cant), Clotilda (violon, cant), Eva (violoncèle, cant) e Eloísa (acordeon, pès, cant) que presentan un bal occitan que s’inspira de cants e de melodias sortidas deths collectatges, mesclades a composicions deras suas. Un concèrt/bal popular on e’s pòt dançar e cantar amassa, dambe eth public. Temps de pausas tanben on eras votzes arressoan, a quate, en polifonia, entà aufrir moments d’escota mès calmes, entà hèr plaça ara emocion.












Arretorn sus eras edicions passadas...


Passa-Pòrts 2022




Passa-Pòrts 2019






Passa-Pòrts 2018






Passa-Pòrts 2017






Passa-Pòrts 2016






Passa-Pòrts 2015






Passa-Pòrts 2014






Eras prumèras edicions...