Entà abonà's ara letra d'informacion deth Ostau Comengés, clicar ací
Editoriau
Escambi Erasmus+ occitano-catalan entram eths licèus de Sent Gaudenç e de Maó
Despuish era rentrada de seteme, eth licèu Bagatelle de Sent Gaudenç (Comenge) qu'é implicat en un escambi lingüistic e culturau damb eth Institut d’Educació Secundària Joan Ramis i Ramis, de Maó, situat sus era illa de Menòrca. Aqueth projècte que s’inscriu daguens eth programa dera Union europenca Erasmus+, destinat a sosténguer era educacion, era formacion, era joenessa e eth espòrt en Euròpa e mès particularament eths escambis entram eths gafets deths collègis o deths licèus...
HISTORIA , era navèra libreria d’Aspèth.
A Aspèth, ua casa vielha que mos ditz « VIAS TVAS DOMINE DOCE ME » (Senhor, eras tuas vias que m’ensenhan), un signe deths bons, en efèt, pr’omor se contunhatz de devarar dera maison comuna cap ara glèisa (carrèra Augustus Saint-Gaudens), que troberatz ua navèra libreria a man dreta, un temple en gran part dedicat aths libes que parlan deth nòste bèth país, libes ancians o contemporanèus o d’actualitat, un endret que tot amorós o pèc deth Comenge, d’Occitania e deths Pirenèus a de visitar a plaser e dambe devocion. Ua libreria plan rica, tota plia de petites tresòrs on vos demòra Lætitia Belot, passionada e acuelhenta, deth dimècres ath dissabte de ...h a … h. Contact : H&L - HISTORIA & LÆTITIA -GUIDE ACCOMPAGNATRICE TOURISTIQUE — Visite de ville | Pyrénées 31
En çò de Franc Dieulevin Quartiàr deth Hac
animat per Mounaim Rabahi, percussionnista, musician e cantaire, Gnawi de formacion e professor ath COMDT (Centre Occitan deras Musicas e de Danças Tradicionalas). « Era proposicion d’aqueth estagi oscillera entre percussions corporalas e tambors, dambe ua part importenta dedicada ath còs, era idèia qu’ei de descobrir ua auta faiçon d’exprimar eth arritme, a miei camin entre jòc arritmic e dança » Cada un que ven dambe eth son instrument bendir, daf o def, pandereta, etc. 9h45 : acuelh 12h : arrepèish tirat dera museta e partatjat. Participacion 25E/persona. Entà’s mercar : d.bares@hotmail.fr Tel : 05 61 90 28 45
L'Estivada que se torna dab un brave hèisht de concèrts, espectacles, conferéncias, exposicions, autors e editors, bal, etc. Un gran moment que vos cau pas mancar en tèrras lengadocianas ! Tot eth programa : https://estivada.eu/ Tà pas mancar d'informacion : Facebook : estivada.oficial e Instagram : estivada.oficial
Era Pastorala que vos propòsa un brave hèisht de concèrts, espectacles, conferéncias, exposicions, autors e editors, bal e cantadas, etc. Un gran moment que vos cau pas mancar ! Tot eth programa : https://lahesta.com/