Eth casse vielh de Sent Andrèu qu'a mès de 600 ans. Un atge deths bèths ! Tanplan, que vòu dígurer que seria dera debuta o dera mentat deth sègle XV^au. E coma eth comtat de Comenge junhèc pas era corona francesa qu’en 1540, aqueth arbe qu'ei donc un comengés vertadèr.
Se'u voletz anar saludar, arren mès facile, qu'ei per darrèr dera sala deras hèstas de Sent Andrèu. E Sent Andrèu qu'ei ua comuna deth costat d'Aurinhac, a 10 km de Cassinhabèra, on i a eth Casse deth Cocut (o dera Gleiseta) que bota era huelha un brave mes abans eths autes casses.
En 2015, eth casse de Sent Andrèu qu’arrecebec eth labèl Arbe Remarcable. Era sua envergadura qu'ei de 33 m. Totun, qu'a un desfís a ténguer : víver mès longtemps qu’eth casse d'Allouville, en Sèina Maritima, considerat coma eth mès vielh casse de França dambe 800 ans. Era legenda que ditz que hora estat plantat en 911 entà celebrar era neishença dera Normandia. Ath solide, eths Normands que'n son plan fièrs.
Un casse que pòt víver dinc a 900 ans. Eth nòste casse de Sent Andrèu qu'a donc encara quauques dias devant eth.

Se passatz per Mancions, entratz en vilatge e seguiètz era carrèra dinc ath Pont Vielh e passatz era Noa. En camin que se’n va a man esquèrra, de cap a Bossens, que veiratz dus bèths exemples de pèiras quilhadas. Aquera pèiras que son deth atge dera pèira polissada e que’s tròban pera cantèra dera antica via romana de Tolosa a Dacs, en ua horca de camins, un passatge dejà conegut ara protoistòria.
Que son lavassas de calcari de mès de 3,50 m de haut, per 90 cm de large e 40 cm d'espessor. Era pèira que vengueria dera crèsta/quèra deth castèth de Montepesat (1,4 km entà capsús) coma era Pèira-hita de Sent Martòri que’s tròba ara ath costat dera glèisa e que i ètz bilhèu passatz cent còps devant sense hè-i atencion.
En èster devant aqueras duas pèiras levadas, que podetz agüeitar eth Pont Vielh, aperat en francés « pont romain » mès qu’ei en realitat medievau dambe ua bèra arcada d’ua sola amplada (en plen). Eth gua antic qu’ei a tocar. Tostemps en quartièr deth Cap deth Pont de Mancions, pujatz era còsta de cap a Herishet e que poiratz admirar (de lonh) era anciana capèra Senta Radegonda, qu’ei privada ara.

Talhèr setmanèr de danças occitanas organizat peths Dançaires de Bossens.

Nivèu confirmat eth 07/10 / nivèu debutant eth 14/10.

Organizat peths Dançaires de Bossens

Contact e informacions : 06 74 97 35 10 / 05 61 90 16 72.

Talhèr de conversacion entaths que parlan un bricalh, fòrça, dambe passion o coma pegasses eth occitan e qu’an hame d’arretrobà’s entà partatjar eth plaser de charrar e d’escambiar sus subjèctes variats ena lenga deth país. En tota simplicitat e en un ambient descontractat : que parlam de tot, mès en gascon ! Un moment unic e importent que balha vita ara lenga, en un eisharamat de mots, de gèstas e d’expressions, que mos arregalam, vénguetz-mos véder e en tot béver un còp, solide que i passeram un bon moment !

Animat per Matiu Fauré.

Arrensenhaments, inscripcions :
lacafetiere.aurignac@gmail.com / 06 76 68 59 43

Basat sus eth occitan tau coma e’s parla ací en Comenge, era lenga ensenhada que’s noirís deras collectas hètas en Comenge e en Coserans, entà arretrobar eths mòts de tot dia ! Aqueth talhèr qu’ei un moment conviviau qu’abareja discussion, jòcs e exercicis, visitas, intervencions o autas activitats creativas que permeten de hèr chorrar eth gascon de faiçon ludica e activa, e en tot descobrir o tornar descobrir ua cultura amagada o maumiada...

Alternància entram descobèrta e explicacion dera lenga e oralitat blossa.

Animat per Matiu Fauré

Prètz : 130€/an (prètz en baishar)

Organizacion : M.J.C. de Sent Gaudenç, en partenariat dambe Eth Ostau Comengés.

Contact : 05 61 94 66 45 / info@mjc-st-gaudens.org / https://www.mjc-st-gaudens.org /
mathieu.faure@ostaucomenges.org

Talhèr de cants tradicionaus

Organizat peths Amics d’Aulús e dera Valea deth Garbet.
Arrensenhament : 07 50 52 77 17

Presentacion condada deth album Condes deth Comenge e d'Aran, dambe Joan Pau Ferré
Entrada gratuïta
Organizacion : IEO 09