Era nòsta letra d'informacion


Entà abonà's ara letra d'informacion deth Ostau Comengés, clicar ací



logo

Abriu de 2018
Eth cocut, que cau que cante eth prumèr d'abriu... mòrt o viu !

Editoriau

Ua explicacion deth Patrimòni Culturau Immateriau, gessuda d’un article de jornau d'Oriol Cendra, tecnician de cultura populara ath Servei de Cultura de la Generalitat de Catalunya.


MONTREJAU (31)
6 e 7 d’abriu de 2018
logo
ETH 15au HESTAU PASSA-PÒRTS QU'EI ARRIBAT !
divendres 6 d’abriu
10 h – 16 h : Jornada deths Gafets (teatre, cant, dança, quilhas e concert d’Arnaud Cance entaths collegians e liceans)
20 h 30 : conferéncia-projeccion Eths huecs de Sent Joan e UNESCO, seguida de ua taula arredona e d’un escambi dab eth public e eths organisators de halhars en comengeses e varossencs

dissabde 7 d’abriu
10 h – 17 h : estagis d’aboès e clarin, cant, danças bascas (confirmats), danças occitanas (debutants) e halhòts
18 h : bal dab Patxi eta Konpania
19 h 30 : restitution deth estagi de cant e cantada
20 h : arrepèish deths productors
21 h : bal dab Toti tres
23 h : cantada
23 h 30 : bal dab L’as pagat lo capèu

Arrensenhaments / inscripcions : contact@ostaucomenges.org
Telecargar eth programa detalhat e eth document d’inscripcion en tot clicar ací

Telecargar eth libet de cants dera cantada :
- Version entà estampar ací (estampar dab Adobe Reader - paisatge - Esdret-devèrs - revirar sus eths bòrds corts)
- Version entà eths aparelhs mobils ací

Arretrobatz era video dera edicion 2017 en tot clicar ací : www.youtube.com/watch?v=DsA6lYsys4M


ENTÀ SORTIR...
GORDAN-POLINHAN (31)
Dimenge 15 d'abriu
Sala deras hèstas
15 h - 19 h
logo
Après-dinnada dançanta

Après-dinnada animat pera Saucissa Musicala de Sent Miquèu.
Organizacion : Danses Traditionnelles Occitanes de Gourdan-Polignan
Contact : michelesoumaire@gmail.com




BANHÈRAS DE LUISHON (31)
26-27-28-29 d'abriu
logo
Hestau Pyrénées-Breizh

  • Dijaus 26 d'abriu : Serada Nos festivaliers ont du talent ara braceria deth Venasc, Montauban de Luishon, contact : pyrenees.breizh@yahoo.fr

  • Divendres 27 d'abriu :

    • - Estagis pendent 2,5 dias (acordeon cromatic e diatonic, violon, percussions, vents, boha, aboès, cant, musica d'ensemble, danças occitanas e bretonas...), inscripcions : pyrenees-breizh.jimdo.com/stages-eths-estagis/

    • - 12 h 30 : Arrepèish partatjat

    • - 18 h 00 : Concèrt-conferéncia dab eth duò Rouch-Bourry sus era istòria deths instruments tradicionaus ara glèsia de Òu.

    • - 19 h 00 : Aperitiu dab eth grop Toti Tres ath vilatge de Òu.

    • - 20 h 00 : Arrepèish montanhòu animat per N'Diaz, Duobois, Dani Padpé e Little Big Noz. a Òu (sala deras hèstas) / inscripcions : Ofici de torisme de Luishon.


  • Dissabde 28 d'abriu :

    • - Estagis (seguida deth divendres)

    • - 13 h 00 : Arrepèish partatjat

    • - 14 h 30 : Caminada condada dab Little Big Noz entà admirar era valada dera Pica ath dessús deth vilatge de Sòda.

    • - 17 h 45 : Passacarrèra dab eth Bagad Ker Vourdel, Duobois, era fanfara de Luishon, Eth hilhs de Luishon, Eths guidas a chivau...

    • - 19 h 30 : Gran bal / Fest-noz
    • - NDiaz
    • - Little Big Noz
    • - DuoBois en companhia
    • - Rouch - Bourry
    • - Duo Vincendeau - Felder
    • - Toti Tres
    • - Duo Rousse - Tisner Jordan



  • Dimenge 29 d'abriu :

    • - Estagis (seguida e fin deth dissabde)

    • - 12 h 30 : Picnic en un lòc suspresa...


    Informacions : https://pyrenees-breizh.jimdo.com/
    Organizacion : Associacion Pyrénées-Breizh


VIATGE PEDAGOGIC...
Eths collegians en viatge a Bordèus e en Perigòrd
logo
Deth 20 ath 23 de març, 44 gafets de 5au e de 4au qu’estúdian eth occitan o eth latin ath collegi Emile-Paul Vayssié d'Aurinhac (Comenge), acompanhats peths lors professors d'Occitan, de Latin e de Sciéncias dera Vita e dera Tèrra, que participèren a un viatge pedagogic que les amièc a Bordèus e en Perigòrd. Aqueth viatge que s'inscriu en un projècte interdisciplinari aperat « Eths nòstis ajòus, eths Aquitans ».
Eth accent qu’èra botat sus era Aquitània Romana e Medievala. Era visita deth Musèu d’Aquitània, situat a Bordèus, que permetec atau aths collegians de descobrir vestigis arqueologics de prumèr plan e de comprénguer ce quin era Aquitània venguec arromana. Après, en tot visitar era partida medievala deth musèu, eths joesis que comprengueren ce quin eth ducat d’Aquitània estèc un territòri estrategic pendent era Guèrra de Cent Ans, abans de vénguer ua província francesa après era des·hèta anglo-gascona de Castilhon, en 1453.
Après Bordèus, eth grope qu’arribèc en Perigòrd Nere (Sarlat, era vath dera Dordonha, era bastida de Vièlafranca deth Perigòrd) e Perigüers. Après era visita dera catedrala Sent Front, eths collegians d’occitan qu’estèren arrecebuts ena Agéncia culturala Dordonha-Perigòrd, on assistèren a ua mediacion sus eths trobadors, aqueris poètas qu’estèren eths prumèrs escrivans d’Euròpa occidentala a utilisar ua auta lenga qu’eth latin, eth occitan, e que son ara origina d’ua literatura prestigiosa. Ath madeish moment, eths escolans de latin que visitèren eth musèu Vesunna, consacrat ara Ciutat deths Petrucòres, creada peth emperaire Augusta de cap 16 abans J-C e ath son cap-lòc que tira son nom d’ua divinitat indigèna.
Aqueth viatge qu’èra tanben en arrelacion dambe eth programa deras Sciéncias (SVT e Fisica-Quimia). Qu’ei pr’amor d’aquò qu’eths collegians descobriren era Maison deth castanhèr, ath sud a fèt deth Perigòrd, e tanben era exposicion Luminopolis, en musèu Cap Sciences de Bordèus, on arrealizèren experiéncias e on trebalhèren ath torn deth tèma deth lum en tot elucidar enigmas.
Enfin, que cau senhalar eth bon comportament deths collegians tot ath long deth viatge. Que les cau ara acabar eth carnet de viatge que son cargats de completar dambe comptes-renduts deras visitas, impressions, illustracions e petits objèctes personaus. Aqueres libets e un diaporamà que seràn presentats aths parents ara fin dera annada escolara.


ENTÀ LÍGER E / O AUEITAR...
logo
Era darrèra publicacion d’Eth Ostau Comengés : un libe-DVD sus eths violonaires de 4 vilatges de montanha : Hogaron, Herran, Galèi e Sent Lari. Un trebalh d’arrecèrca que mobilisèc uns quantis autors (istorians, lingüistas, etnològs, musicians) dejós era direccion de Pèir Rouch, dam un objectiu : arrelançar era practica deth vieulon tradicionau en Comenge-Coserans.
Prètz deth libe-DVD : 15 €
Entà comandà’u : www.oralitatdegasconha.net